సర్వే కి క్రెడిబిలిటీ లేదు-అనురాధ, టిడిపి

సిఎన్ఎన్ ఐబిఎన్ -హిందూ సర్వేకి క్రెడిబిలిటీ లేదని టిడిపి నేత అనురాధ అన్నారు. వచ్చే లోక్ సభ ఎన్నికల్లో టిడిపికి తొమ్మిది స్థానాలే వస్తాయని కేవలం 1650శాంపిల్స్ ద్వారా నిర్ధారించడం సరైనది కాదని ఆమె పేర్కొన్నారు. తాను సర్వే నిర్వహించిన సంస్థలను తప్పుపట్టడం లేదని, వారు వెళ్లిన లైన్ కరెక్ట్ కాదని మాత్రమే చెబుతున్నానని ఆమె పేర్కొన్నారు. ఈ సర్వేకి నిబద్దత లేదని చెప్పారు. ప్రజల తీర్పే కచ్చితమని తెలిపారు.అయినా తమ పార్టీ ఈ సర్వేలను చూసి భయపడబోదని అన్నారు. తమ పార్టీని ప్రజలు ఎంతగా విశ్వసిస్తున్నారో అని తెలిపేందుకు పంచాయతీ ఫలితాలే నిదర్శనమని అన్నారు. వచ్చే ఎన్నికల్లో కూడా తమ పార్టీ స్పష్టమైన మెజార్టీతో గెలుపొందుతుందని ఆమె చెప్పారు.